Lumturi Mara, nëna e kryetares së Autoritetit për Informim mbi Dokumentat e ish-Sigurimit të Shtetit, Gentiana Sula, ka ndërruar jetë paraditen e kësaj të enjte, duke lënë pas një dhimbje të madhe te familjarët, por dhe te të gjithë ata që e njohën.
Ishte vetë Sula ajo që përmes një mesazhi mortor ndau lajmin e trishtë me miqtë se “noni” i tyre i dashur mbylli sytë përgjithmonë, duke lënë pas një boshllëk të madh, por edhe një trashëgimi të vyer dashurie që do të jetojë gjatë në zemrat e familjes.
Pritjet do të nisin sot në orën 14:00 pranë Shtëpisë Funerale “Alba”, në Rrugën e Durrësit, ndërsa ceremonia e varrimit do të zhvillohet nesër, të premten, më 10 prill, në orën 11:00, në varrezat e Tufinës, ku zonja Lumturi do të prehet pranë bashkëshortit të saj.
Vizitat përkujtimore do të vijojnë në të njëjtin ambient ditën e shtunë dhe të diel, në oraret 10:00-13:00 dhe 17:00-20:00.
“Sot paradite ndërroi jetë noni jonë e dashur, Zonja Lumturi Mara. Duke lënë pas dashuri të thellë dhe kujtime të paharrueshme në zemrat tona. Pritjet do të fillojnë sot, në orën 14:00 te Shtëpia Funerale “Alba” në Rrugën e Durrësit.
Varrimi do të bëhet nesër, e premte 10 prill në orën 11:00 në varrezat e Tufinës, pranë vendprehjes së bashkëshortit të saj. Vizitat përkujtimore do të zhvillohen te Shtëpia Funerale “Alba”, në Rrugën e Durrësit, ditën e shtunë dhe të diel. paradite nga ora 10:00-13:00 dhe pasdite nga ora 17:00-20:00”, thuhet në njoftimin e bërë nga Sula.
Redaksia e Newsbomb i shpreh ngushëllimet më të sinqerta familjes Mara-Sula për këtë humbje të madhe, do t’iu jemi mirenjohes nese do te na ndihmonit që të mirmbajmë faqen vetëm duke shtypur(mbi foton) që ndodhet më poshtë.Faleminderit për mirkuptimin SHQIPE