Rrjeti social ka shpërthyer pas disa pamjeve që po qarkullojnë online, ku Elvana Gjata dhe Ledri Vula janë parë sërish bashkë në një ambient luksoz në Prishtinë. Dy artistët, të cilët prej vitesh kanë pasur një raport shumë të komentuar nga publiku, janë kapur duke kaluar kohë së bashku larg syve të mediave, por jo mjaftueshëm larg për t’i shpëtuar fansave që menjëherë nisën aludimet.
Sipas burimeve që ndodheshin aty pranë, Elvana dhe Ledri dukeshin tepër të afërt dhe të relaksuar, duke qeshur dhe biseduar gjatë gjithë mbrëmjes. Madje, disa persona pretendojnë se ata janë larguar bashkë nga lokali vetëm pak minuta pas mesnate. Kaq ka mjaftuar që rrjeti të shpërthejë me komente, ku shumë ndjekës po pyesin nëse mes tyre po lind sërish një afrimitet i veçantë apo ndoshta një projekt sekret muzikor.
Fansat më të vjetër kanë rikthyer menjëherë kujtimet e bashkëpunimeve të tyre ikonike dhe kimisë që kanë pasur gjithmonë në skenë, ndërsa disa të tjerë janë të bindur se kjo nuk është thjesht miqësi. Deri tani as Elvana dhe as Ledri nuk kanë reaguar për këto pamje, por interneti është në flakë dhe të gjithë po presin të zbulojnë të vërtetën. A kemi përballë rikthimin më bombastik të showbizit shqiptar? 👀🔥