Gjesti kapet me një vajzë misterioze pas daljes nga burgu kush është ajo
Gjesti, ish-banori i Big Brother VIP Kosova dhe fitues i Big Brother VIP Albania, është rikthyer sërish në qendër të vëmendjes pas një periudhe të trazuar në jetën e tij.
Pas problemeve që pati me një kompani, ku u raportua se e kishte kërcënuar me armë – e cila dyshohet se ishte në posedim pa leje – Gjesti kaloi disa ditë të vështira, duke përfunduar edhe në paraburgim. Ky episod bëri bujë të madhe në media dhe rrjete sociale, duke ngritur shumë pikëpyetje rreth situatës së tij.
Por, menjëherë pas daljes nga burgu, ai është parë në shoqërinë e një vajze misterioze. Në disa pamje që po qarkullojnë, Gjesti duket i qetë dhe i afërt me vajzën në fjalë, duke nxitur reagime të shumta nga ndjekësit.
Ajo që ka ngritur më shumë kuriozitet është identiteti i saj. Disa fansa dyshojnë se mund të jetë Diellza, vajza për të cilën ai kishte folur gjatë qëndrimit në Big Brother, ndërsa të tjerë mendojnë se bëhet fjalë për një vajzë që lidhet me ndonjë projekt të ri muzikor apo klip që ai mund të jetë duke përgatitur.
Deri më tani, Gjesti nuk ka bërë asnjë reagim publik për këtë takim, duke lënë gjithçka në kuadër të spekulimeve. A është kjo një lidhje e re, një ribashkim i përfolur apo thjesht pjesë e një projekti të ri artistik mbetet për t’u parë në ditët në vazhdim.
