Gjatë diskutimit, Arbëri u shpreh se personalisht do të donte që Mateo të fitonte këtë edicion, duke e konsideruar atë një nga figurat që ka lënë gjurmë gjatë sezonit. Megjithatë, ai ngriti edhe një dyshim të fortë për dinamikën e votimeve në momentet e fundit.

Sipas Arbërit, Rogerti ka një rreth shumë të madh mbështetësish jashtë shtëpisë dhe kjo mund të ndikojë ndjeshëm në rezultatin final. Ai tha se ka frikë që mbështetja e madhe për Rogertin mund ta çojë atë drejt vendit të parë, madje me një diferencë të madhe në vota.

Deklarata më e fortë e Arbërit ishte kur ai la të kuptohej se në prapaskenë mund të ketë një mobilizim shumë të madh votash për Rogertin, duke përmendur edhe mundësinë që votat të jenë duke u blerë masivisht. Sipas tij, kjo mund të bëjë që në momentet e fundit Rogerti të dalë fitues, pavarësisht dëshirës së tij që çmimi i madh të shkojë për Mateon.

Kjo deklaratë ka ndezur diskutime mes ndjekësve të formatit, pasi finalja po afrohet dhe gara duket më e fortë se kurrë. Tashmë mbetet për t’u parë nëse parashikimi i Arbërit do të rezultojë i saktë, apo nëse publiku do të vendosë ndryshe në natën finale.