Rrjeti po zien pasi disa foto dhe video të publikuara së fundmi kanë ngritur dyshime të mëdha rreth Taynas dhe reperit Finem. Dyshja janë parë duke kaluar pushimet bashkë në një resort super luksoz, larg syve të publikut, por jo aq larg sa të mos kapeshin nga fansat. Burime pranë tyre tregojnë se Tayna dhe Finem kanë kaluar pothuajse çdo moment së bashku — nga darkat private pranë detit deri tek festat ekskluzive gjatë natës.
Ajo që ka bërë më shumë bujë janë pamjet ku Finem shihet duke e filmuar Taynën teksa ajo qesh dhe relaksohet pranë pishinës, ndërsa në një tjetër video dyshja duken tepër të afërt gjatë një shëtitjeje në mbrëmje. Menjëherë kanë nisur komentet në rrjetet sociale, ku fansat po aludojnë se mes tyre mund të ketë lindur diçka më shumë se miqësi apo bashkëpunim muzikor.
Disa ndjekës madje pretendojnë se kjo mund të jetë arsyeja pse Tayna ka qenë më misterioze kohët e fundit dhe ka shmangur deklaratat për jetën private. Deri tani as Tayna dhe as Finem nuk kanë reaguar për thashethemet, por interneti është totalisht në flakë. A kemi përballë çiftin më të papritur të momentit në showbizin shqiptar? 👀🔥
Tayna së fundmi ka qenë shumë në qendër të vëmendjes edhe për projektet e reja muzikore dhe albumin “Genesis”.