Rrjetet sociale kanë shpërthyer pas fotove të fundit që Klodi dhe Elijona kanë postuar nga pushimet e tyre luksoze në Turqi. Dyshja, që prej javësh përflitej për një lidhje sekrete, duket se më në fund po i japin fund dyshimeve me postimet që kanë habitur të gjithë fansat.
Fillimisht ata publikuan disa fotografi pranë detit, në një resort super luksoz në Bodrum, ku shiheshin shumë të afërt me njëri-tjetrin. Por ajo që ndezi vërtet rrjetin ishte një foto e postuar vonë gjatë natës, ku Klodi dhe Elijona shihen në të njëjtin shtrat hoteli, shumë pranë njëri-tjetrit dhe duke buzëqeshur në mënyrë provokuese para kamerës.
Menjëherë pas publikimit të fotos, komentet shpërthyen në Instagram dhe TikTok. Fansat po pyesin nëse kjo është konfirmimi zyrtar i lidhjes së tyre apo thjesht një mënyrë për të marrë vëmendje. Disa komentues shkruanin se kimia mes tyre duket “më e fortë se kurrë”, ndërsa të tjerë pretendojnë se raporti i tyre ka nisur prej muajsh larg syrit të publikut.
Burime pranë tyre pretendojnë se Klodi dhe Elijona kanë kaluar pothuajse gjithë kohën bashkë gjatë pushimeve dhe janë parë shumë të afërt edhe jashtë hotelit. Ata thuhet se kanë darkuar në vende ekskluzive dhe nuk janë shqetësuar aspak nga prania e njerëzve apo kamerave.
Për ta bërë situatën edhe më misterioze, Elijona publikoi një story me mbishkrimin: “Ndonjëherë personi i duhur vjen kur nuk e pret.” Fansat menjëherë e lidhën këtë me Klodin dhe tani rrjeti është i bindur se mes tyre ka lindur një romancë e re që po bëhet gjithnjë e më serioze.
A janë Klodi dhe Elijona çifti më i ri i showbizit shqiptar? Apo kjo është vetëm fillimi i një historie që do të trazojë rrjetin edhe më shumë?